युनिग्लोब कलेजद्वारा रक्तदान कार्यक्रम
काठमाडौः युनिग्लोब कलेजले रक्तदान कार्यक्रम आयोजना गरेको छ । कलेजमातहत रहेको युनिग्लोब सेन्टर फर सोसल प्रोग्रामले रक्तदान कार्यक्रमका गरेको हो ।
सोमबार नयाँ बानेश्वरमा आयोजना भएको उक्त रक्तदान कार्यक्रम १ सय ३० पिन्ट रगत संकलन भएको कलेजले जनाएको छ । रगत अभावको समस्यालाई ध्यानमा राखेर कार्यक्रम आयोजना गरिएको हो । पोखरा विश्वविद्यालयबाट मान्यताप्राप्त कलेजले बीबीए, बीबीए-बीआई र एमबीए कक्षा सञ्चालन गरिरहेको छ ।
पढाइमा मात्र नभई विद्यार्थीलाई सामाजिक कार्यमा समेत संलग्न गराउनुपर्छ भन्ने मान्यतासाथ यो कार्यक्रम आयोजना गरेको जनाएको छ । कलेजभित्र सञ्चालनमा आएको युनिग्लोब सेन्टर फर सोसल प्रोग्राम विद्यार्थीकै नेतृत्वमा चलिरहेको संस्था हो । संस्थाले विद्यार्थीका सरोकारका विषयलाई उठान गर्नुका साथै यस्ता किसिमका सामाजिक कार्य गर्दै आएको छ ।
प्रतिक्रिया दिनुहोस !
