कांग्रेस नेता हत्याको विरोधमा बजार बन्द

जाजरकोट : जाजरकोटका नेपाली कांगे्रसका युवा नेता रविन्द्र शाहका हत्याराको पहिचान गरी कारवाहीको माग गदै स्थानियवासीले खलंगाबजार बन्द गराएका छन् । घटनाको विरोधमा सदरमुकामका सवै पसल बन्द भएका छन् भने यातायात सेवा समेत बन्द गरिएको स्थानीय विश्वविक्रम शाहले बताए । आफन्त र जिल्लावासीले हत्यामा संलग्न तत्काल खोजी गर कारवाहीको माग गरेका छन् ।

शाहको मंगलबार बेलुका हत्या भएको थियो । तल्लो थाप्लेस्थत जिल्ला अस्पताल नजिकै जाजरकोट डोल्पा सडकमा ईभिनिङ्ग वाक गरेर फर्कने क्रममा ८-९ जनाको समुहमा रहेका अपरिचितले ढुङ्गाले हानेर उनको हत्या गरेका थिए । पाँचतारा युवा संरक्षक मञ्चका अध्यक्ष एवं निर्माण ब्यवसायी समेत रहेका

शाहको हत्या कसले किन गर्यो भने अहिलेसम्म खुल्न नसकेको र अनुसन्धान जारी रहेको प्रहरी नायव उपरीक्षक भावेश रिमालले बताए । हत्यामा संलग्न भनिएका ९ जनाको समूहका तीन जना शाहसँगै ईभिनिङ्ग वाक गएको बताइएको छ । । नौ जनालाई नै आवश्यक सोधपुछका लागी नियन्त्रणमा लिएर अनुसन्धान थालिएको प्रहरी प्रमुख रिमालले बताए ।नियन्त्रणमा रुकुम चौरजहारी र खलंगाका युवाहरु रहेका छन् । त्यस मध्य केही निर्माण ब्यवसायी समेत रहेको उनले बताए ।