एचएच बजाजको नयाँ सोरुम
काठमाडौः पल्सर मोटरसाइकलको नेपालका लागि अधिकृत वितरक एचएच बजाजले स्याङ्जाको वालिङमा नयाँ सोरुम सञ्चालनमा ल्याएको छ । एचएच बजाजले आफ्नो सेवालाई थप विस्तार गरी सन्तोषी स्पेयर पार्ट्स नामक नयाँ सोरुम सञ्चालनमा ल्याएको हो ।
एचएच बजाज आफ्ना ग्राहकका लागि उनीहरूले खरिद गरेको सामग्रीको अधिकतम मूल्य भुक्तान गर्न प्रतिबद्ध रहेको जनाएको छ । नयाँ सोरुमले ग्राहकलाई बाइकको स्पेयर पार्ट्स तथा एसेसरिज खरिदका लागि सहज बनाउने कम्पनीले विश्वास लिएको छ ।
यसैको माध्यमबाट एचएचबजाजले आफ्नो बिक्री थप सशक्त बनाउन सहयोग पुग्नेछ । उक्त सोरुम उद्घाटनको क्रममा एचएच बजाजका डिपुटी महाप्रबन्धक योगेन गुरुङले स्याङ्जामा नयाँ सोरुम सञ्चालन भएको घोषणा गर्दा निकै खुसी भएको बताएका छन् । उनले ग्राहकको बढ्दो मागका कारण स्याङ्जामा नयाँ सोरुम स्थापना गरेको बताए । ‘हामी देशभरी रहेका हाम्रा ग्राहकका लागि उच्च गुणस्तरको सेवा प्रदान गर्न प्रतिबद्धछौं’, गुरुङले भने । नयाँ सोरुमको शुभारम्भसँगै, सोरुमले ग्राहका लागि आकर्षक पुरस्कार पनि प्रदान गरेको छ ।
प्रतिक्रिया दिनुहोस !
