मीठो खाना कि राम्रो नाना ठिक ?

यो प्रश्नको उत्तर दिन सहज छैन । जोसुकै व्यक्तिमा दुवै रहर हुन्छ । तर आफ्नो जीवन भोगाइमा मलाई सामान्य सादा खाना र आफूलाई सुहाउँदो सामान्य ढंगको पहिरन मन पर्छ । त्यस्तै खान्छु र लगाउँछु पनि ।
कोकिला ढकाल अध्यक्ष, नेपाल पत्रकार महासंघ, इलाम
पहिले मीठो खान मन पराउथेँ । अहिले रोगले गर्दा त्यता धेरै वास्ता भएन । तैपनि लुगा लगाउनभन्दा खानु नै राम्रो हो । खानाले मान्छेलाई स्वस्थ्य बनाउँछ । स्वस्थ मान्छे सिर्जनशील हुन्छ । तबमात्र नयाँ काम वा उपलब्धि हासिल गर्न सकिन्छ ।
भोला खतिवडाअध्यक्ष, सामुदायिक वन प्राविधिक संघ
खाना र नाना दुवै जीवनका लागि नभई नहुने कुरा हुन् । खाना मीठोभन्दा पनि ताजा र स्वस्थवद्र्धक हुनुपर्छ । नाना पनि मौसमअनुसार र सुहाउने हुनुपर्छ । रोज्नै पर्दा म राम्रो नाना नै रोज्छु तर स्वस्थ खाना पनि छाड्दिनँ ।
अनन्त वाग्ले साहित्यकार
नेपाली खाना सबै मीठो लाग्छ । खाना भन्ने कुरा बनाउनेमा भर पर्छ । तर भोक लाग्दा जस्तो पनि मन पर्छ । अघाएको शरीरले चाहिँ स्वाद खोज्छ । अचेल लगाउने लुगामा पनि मान्छेले राम्रो खोज्छ । लुगा सफा र चिटिक्क परेको हुनुपर्छ । भोकै बसेर राम्रो लगाएर चाहिँ हुँदैन ।
दिनमान गुर्मछान, कथाकार
मलाई मीठो खाना मनपर्छ । मीठो खानाले शरीरलाई स्वस्थ बनाउँछ । शरीर स्वस्थ छ भने लुगा जस्तो लगाए पनि राम्रो देखिन्छ, सुहाउँछ । मानिसलाई आवश्यक कुराहरूमध्ये पहिलो गाँस हो । जतिसक्दो खानामा मेन्टेन गर्न सकियो भने व्यक्तिको सुन्दरता आफैं बढ्दै जाने कुरामा दुई मत रहँदैन ।
सरु काविया, कवि
यो त परिस्थितिमा निर्भर रहन्छ । मीठो खाना भनेको मरमसला हालेको होइन । मीठो खाना भनेको त्यो हो, जसमा प्रयुक्त तŒवको स्वाद हराउँदैन । खानाले पेटलाई आराम दिन्छ, दिमागलाई शीतल बनाउँछ र जिब्रोलाई तेज बनाउछ । लाउने कुरा त्यो राम्रो हो, जसले प्रकृतिस“ग तपाईंको शरीरलाई एकाकार गराउँछ । अर्थात् शरीरलाई वातानुकूलित बनाउने काम लुगाको हो । त्यसपट्टिमात्रै कस्तो कपडा, कुन रङको कपडा, कुन डिजाइन कुन ब्रान्ड भन्ने कुरा आउँछ । सात्विक खाना अनि अरूलाई देख्दा राम्रो लाग्नेभन्दा लगाउदा आफूलाई सजिलो हुने र आनन्द आउने कपडा मेरो रोजाइ हो ।
जनकराज सापकोटा, निबन्धकार
बाँच्नका लागि स्वच्छ खानाको जति आवश्यकता छ, उत्तिनै मानव शरीर ढाक्न पहिरनको पनि आवश्यकता छ । यी दुईको महŒव हुँदाहुँदै खाना साधारण भए हुन्छ । मलाई राम्रो पहिरन चाहिँ एकदम मन पर्छ ।
लाक्पा शेर्पा, गायक
भोक मेटाउने खाना, साँझबिहान चाहिन्छ । लगाउँदा सहज हुने अलिअलि सुहाउने पनि हुनुप¥यो लुगा । यदि नसुहाउने भए पनि सजिलो चाहिँ हुनैपर्छ । जुत्तामा पनि मेरो यही तर्क हो ।
सविता विमली, कवि
लगाउनुभन्दा पहिलो प्राथमिकता खाने हो मेरो लागि । पाए त राम्रो लगाउने, मीठो खाने दुवै मनपर्छ । तर एउटा छान्नै परे चाहिँ मीठो खाने अनिमात्रै लगाउने हो ।
रमन पौडेल, पत्रकार
मीठो खान मनपर्छ । मीठो खाएर स्वस्थ भइयो भने आफूले चाहेजस्तो, शरीर सुहाउँदो कपडा लगाउन पाइन्छ र लगाएको कपडा सुहाउँछ । नखाएर जिंग्रिङ्ग परियो भने राम्रो कपडा लगाए पनि राम्रो देखिँदैन ।
सुमन हुमागाईं,विद्यार्थी
मलाई राम्रो लगाउनभन्दा मीठो खान बढी मनपर्छ । पहिले मलाई माछा, मासुका परिकार असाध्यै मन पथ्र्यो । अहिले चाहिँ भेजिटेरियन आइटम रुचाउँछु । फास्ट फुडमा पिज्जा बढी मन पर्छ । मम, चाउमिन त्यति मन पर्न छाड्यो ।
सुजित मैनाली, अनुसन्धानकर्ता
खाना आफ्नो लागि तर लगाउन अर्काका लागि भएकाले लगाउन मन लाग्छ ।
छेल्हामु शेर्पा, सञ्चारकर्मी
मलाई त राम्रै लगाउन मन पर्छ ।
आङपुला शेर्पा, हलिउड हिरो
मलाई राम्रो लगाउन मनपर्छ । खाना साधारण भोजन नै मनपर्छ ।
वसन्तमान सिंह अधिकारी, नेता
दुनियाँ हेर्न जन्मेका हुन् सबैजना । त्यसैले राम्रो लगाउन मन लाग्छ ।
बीरबहादुर लिम्बू, गायक