दक्षिण एशियामा महिला प्रतिनिधित्व गर्ने सांसदमा नेपाल पहिलो स्थानमा
काठमाडौं : दक्षिण एशियामा व्यवस्थापिका संसदमा प्रतिनिधित्व गर्ने महिलाहरुको संख्यामा नेपाल पहिलो स्थानमा देखिएको छ । इन्टर पार्लियामेन्टरी युनियन सार्वजनिक गरेको तथ्याङकमा संसदमा प्रतिनिधित्व गर्ने महिलाहरु नेपालमा उच्च तहमा रहेको पाइएको हो ।
यूनियनको प्रतिवेदन अनुसार अफगानिस्तान दोस्रो स्थानमा,पाकिस्तान तेस्रो स्थानमा,बंगलादेश चौथो स्थानमा,भारत पाँचौ स्थानमा,भुटान छैठौ स्थानमा,माल्दिभ्स सातौ स्थानमा र श्रीलंका आठौ स्थानमा रहेका छन ।
विश्वव्यापी रुपमा अध्ययन गरिएका एक सय ९० मुलुक मध्ये नेपालको स्थान ४८ औ स्थानमा,अफगानिस्तानको स्थान ५४ औ स्थानमा,बंगलादेश ९१ औ स्थानमा,भारत एक सय ४८ औ स्थानमा,भुटान एक सय ७० औ स्थानमा,माल्दिभ्स एक सय ७९ औ स्थानमा र श्रीलंका १८० औ स्थानमा रहेको वमन इन पोलिटिक्स इन २०१७ म्यापको प्रतिवेदनमा उल्लेख छ ।
बंगलादेशमा प्रधानमन्त्री,सभामुख र प्रमुख प्रतिपक्षी दलको नेता महिला छन । बंगलादेशमा २७ बर्षदेखि महिलाहरुले सरकारको नेतृत्व गर्दै आएका छन ।
नेपालमा पनि राष्ट्रपति,सभामुख,प्रधानन्यायधिश महिला छन ।
प्रतिक्रिया दिनुहोस !
