छात्रालाई साइकल उपहार

गौर : रौतहटको ३ नं क्षेत्रका सामुदायिक विद्यालयमा अध्ययन गर्ने छात्रालाई साइकल वितरण गरिएको छ । छात्रालाई विद्यालय जान हौसला र अन्य विद्यालयलाई पनि प्रेरणा मिलोस् भन्ने उद्देश्यले साइकल वितरण गरिएको हो । संसद प्रभु साहको संसदीय क्षेत्र विकास कार्यक्रमअन्तर्गत करिब एक हजार पाँच सयवटा साइकल वितरण गरिएको हो ।

तराई मधेसमा महिला शिक्षाको स्तर कमजोर रहेको र आफ्नो क्षेत्रमा पनि छोरीले पढ्ने वातावरण राम्रो नभएकाले उनीहरूलाई साइकल वितरण गरिएको संसद साहले बताए । सोनरनियास्थित जनता, पथरा, वसन्तपट्टी, गोनाही, सरजमुवा, पिपरिया, बगही, धरहरी, कटहरिया तथा उन्नतिलाल माविमा ३ नं क्षेत्रबाट अध्ययन गर्न आउने छात्रालाई साइकल वितरण गरिएको हो ।