हेटौंडामा ट्रक र कार ठोक्किँदा तीन भारतीय नागरिकको मृत्यु
हेटौंडा: मकवानपुरको मनहरी–९ ज्यामिरेस्थित तिरतिरे धारा नजिक ट्रक र कार आपसमा ठोक्किँदा तीन जना भारतीय नागरिकको मृत्यु भएको छ। दुर्घटनामा एकजना घाइते भएका छन्।
हेटौंडाबाट चितवनतर्फ जाँदै गरेको भारतीय बि.आर.०७ डि ५६२५ नम्बरको जीप र विपरीत दिशाबाट आउँदै गरेको ना ६ ख ६५६१ नम्बरको ट्रक एकआपसमा ठोक्किँदा कारमा सवार तीन भारतीय नागरिकको मृत्यु भएको इलाका प्रहरी कार्यालय मनहरीले जनाएको छ।
गएराति भएकाे दुर्घटनामा कार चालक भारत मुजफपुर ब्रम्हपुुरा जिल्लास्थित नुनथरका ३९ वर्षीय निखिलेश, सीतामाडी डुम्ब्रा–५ का ३६ वर्षीय सञ्जिवकुमार र ३८ वर्षीय सन्तोषकुमारको मृत्यु भएको जिल्ला प्रहरी कार्यालय मकवानपुरका डीएसपी बामदेव गौतमले जानकारी दिनुभयो। दुर्घटनामा घाइते सीतामाडी, डुम्ब्रा–५ का ५२ वर्षीय राजिवकुमार शर्माको भरतपुरमा उपचार भइरहेको प्रहरीले जनाएको छ।
भारतीय नागरिकहरु गोरखाको मनकामना मन्दिरको दर्शनका लागि जाँदै थिए। कारलाई ठक्कर दिने ट्रक र चालक प्रहरी नियन्त्रणमा रहेको मकवानपुर प्रहरीले जनाएको छ।
प्रतिक्रिया दिनुहोस !
