ट्रम्प पत्नीबारे गलत खबर दिँदा ३० लाख डलर जरिवाना
एजेन्सी : अमेरिकी राष्ट्रपति डोनाल्ड ट्रम्पकी पत्नी मेलिनिया ट्रम्पबारे गलत खबर प्रकाशित गर्ने मिडियाले ३० लाख डलर जरिवाना तिरेको छ । बेलायती अखबार डेलीमेलले पत्नी मेलिनियालाई ३० लाख डलर जरिजाना तिरेको हो । साथै मेलिनियाले अखबारको माफीनामा समते स्वीकारेकी छिन् ।
डेलीमेलले राष्ट्रपति निर्वाचनका दौरानमा मेलिनियाको मोडलिङ करिअरका बारेमा खबर प्रकाशित गरेको थियो । जसमा मेलिनिया कुनै समय यौनकर्मीको रुपमा पनि काम गर्थिन भनिएको थियो ।
लण्डन उच्च अदालतमा भएको सुनुवाईमा मेलिनिया ट्रम्पले अखबारले मागेको माफीलाई स्वीकार गर्दै उसले दिएको जरिवाना स्वीकार गरिन । मेलिनियाले फेब्रुवरीमा डेलीमेल विरुद्ध मुद्धा दायर गरेकी थिइन । मुद्धा दायर गर्दा उनले १५ करोड जरिवानाको माग गरेको भएपनि ३० लाख डलर जरिवानामा मुद्धा मिलाइएको जनाएको छ ।
प्रतिक्रिया दिनुहोस !
