अफगान हवाई बलको आक्रमणमा ११ आतङ्ककारी मारिए
अफगानिस्तानः अफगानिस्तानको उत्तरी प्रान्त सरीपुलमा आतङ्ककारीको अखडालाई लक्ष्यगरी अफगान हवाई बलले गरेको हवाई आक्रमणमा परी कम्तीमा ११ आतङ्ककारी मारिएको सैनिक स्रोतले जानकारी दिएको छ ।
सरीपुल प्रान्तको सयाद जिल्लामा तालिवान आतङ्ककारी लुकेर बसेको अखडालक्षित यस आक्रमणमा अन्य १० आतङ्ककारी घाइते भएका छन् ।
अफगानिस्तानको राजधानी काबुलबाट ३५० किलोमिटर उत्तरमा पर्ने सरीपुल प्रान्तको सयाद जिल्लामा भएको यस हवाई आक्रमणमा सुरक्षाबलले १५ वटा मोटर साइकलसमेत ध्वस्त गरेको सैनिक स्रोतले जानकारी दिएको छ ।
सरीपुल प्रान्तको छिमेकमा पर्ने फर्याब र जावजान प्रान्तमा पनि गत दुई वर्षयता सुरक्षा बल र आतङ्ककारीबीच झडप भइरहेको छ । सन् २०१४ को अन्त्यमा अमेरिकाआवद्ध नेटो सैनिकले अफगानिस्तानमा तालिवानसँग जारी रहेको युद्धमा युद्धभूमिमा गएर लडाई नगर्ने निर्णय गरी प्राय नेटो सैनिकले अफगानिस्तान छाडेर आ–आफ्नो देश फर्किएका थिए ।
त्यहाँ बाँकी रहेका केही नेटो सैनिक पनि आफगान सुरक्षाबललाई तालिम र सरसल्लाह दिन कार्यमा मात्र संलग्न रहेका छन् । सन् २०१५ को सुरुबाट नै अफगानिस्तानको सुरक्षाको सम्पूर्ण जिम्मेवारी अफगान सुरक्षाबलको काँधमा आइपरेको छ । तालिवानसँगको यस युद्धमा अफगान सुरक्षाबलले केही हदसम्म सफलता पनि हात पारेका छन् । रासस÷सिन्ह्वा
प्रतिक्रिया दिनुहोस !
