अमेरिकासँग विवाद बल्झन सक्छ : चीन
एजेन्सी : पछिल्लो समय उत्तर कोरियाको मुद्धालाई लिएर अेमेरिका र चीन बीच मतभेद बढिरहेको छ । यस विषयमा जुनसुकै बेला दुई राष्ट्र बीच विवाद बल्झन सक्ने संकेत चीनले दिएको छ। साथै यो युद्धबाट जीत कसैको नहुने र कसैलाई कुनैउपलब्धि नहुने निकर्ष समेत चीनले निकालेको छ ।
सञ्चार माध्यामा आएका जानकारी अनुसार अमेरिकाले उत्तर कोरियामाथि आक्रमण गर्ने सम्भावनालाई ध्यान दिदै चीनले सतर्कता समेत अपनाइरहेको छ । अमेरिकाले सिरियामामाथि आक्रमण गर्ने वित्तिकै उत्तर कोरियामाथि पनि आक्रमण गर्नसक्ने सम्भावनाप्रति चीन सचेत भएको बताइएको छ ।
चीनले उत्तर कोरियाको सीमा क्षेत्रमा मेडिकल टोलीसहित ठूलो सङ्ख्यामा जनमुक्ति सेना तैनाथ गरेको छ । अमेरिकाले आक्रमण गरिहालेका खण्डमा उत्तर कोरियाली सेना र जनताको सहायताका लागि चीनले गरेको पूर्व तयारीका रुपमा यसलाई हेरिएको छ ।
अमेरिका निरन्त उत्तर कोरियामा माथि आक्रमण गर्ने माहौलको खोजी गरिरहेको देखिन्छ । उत्तर कोरिया अमेरिकाको सबै चेतावनीलाई वेवास्ता गर्दै अमेरिकाले आक्रमण गरेको खण्डमा प्रतिकार गर्न तयार रहेको अभिव्यक्ति दिइरहेको छ । नयाँ यी परिदृश्यले कोरियाली प्रायद्वीपमा युद्धको खतरा बढिरहेकोतर्फ संकेत गरेको छ ।
प्रतिक्रिया दिनुहोस !
