अन्नपूर्णकर्मी निरौला सम्मानित
इलामः अन्नपूर्णकर्मी सीता निरौला आशिष पत्रकारिता पुरस्कार–२०७३ वाट सम्मानित हुनुभएको छ। नेपाल पत्रकार महासङ्घ इलाम शाखाले प्रत्येक वर्ष वैशाख १ गते प्रदान गर्दै आएको उक्त पुरस्कारबाट यो वर्ष अन्नपूर्ण पोस्टकी ताप्लेजुङ सम्वाददाता सीता निरौला पुरस्कृत हुनु भएको हो।
निरौला स्थापनाकालदेखि नै अन्नपूर्ण पोस्टको सम्वाददाताका रुपमा काम गर्दै आउनु भएको छ। नेपाल पत्रकार महासंघका महासचिव उजिर मगरले उहाँलाई नगद १० हजार रुपैयाँसहित दोसल्ला ओढाएर सम्मान गर्नु भएको थियो। रेडियो नेपालमा इलाम जिल्लाबाट समाचार सम्प्रेषण गर्दै आउनुभएका आशिष राईको २०५९ साल वैशाख १ गते इलामको माइखोलामा पौडी खेल्ने क्रममा डुबेर मृत्यु भएको थियो।
उहाँकै सम्झनामा पत्रकार महासंघ इलाम शाखाले आशिष स्मृति अक्षयकोष स्थापना गरी प्रत्येक वर्ष मेची अञ्चलका एक जना पत्रकारलाई नगद पुरस्कारसहित दोसल्ला ओढाएर सम्मान गर्दै आएको छ।
प्रतिक्रिया दिनुहोस !
