वाणिज्य बैंक नजिकैको पसलभित्र बम भेटियो, स्थानीयवासी आतंकित
राजविराजः राजविराजको गजेन्द्र चोकमा बम फेला परेपछि स्थानीयवासी आंतकित बनेका छन्। राजविराज–७ गजेन्द्र चोकस्थित रोशन इम्पोरियम पसलमा सकेट बम फेला परेको हो।
राष्ट्रिय बाणिज्य बैंक छेउमै रहेको रमेश शारडाको कपडाको पसलमा बम फेला परेको प्रहरीले जनाएको छ। तराईमा सशस्त्र संघर्षरत जयकृष्ण गोइत नेतृत्वको जनतान्त्रिक तराई मुक्ति मोर्चा (क्रान्तिकारी) ले आइतबार नै इमेलमार्फत केही पत्रकारहरुलाई बम राखेको जानकारी गराएपछि खोज्ने क्रममा गएराति सकेट बम फेला परेको थियो।
सकेट बमलाई राजविराज नगरपालिका–२ स्थित श्री कृष्ण दल गणबाट गएको नेपाली सेना बम डिस्पोजल टोलीले सोमबार बिहान निष्क्रिय पारेको छ।
प्रतिक्रिया दिनुहोस !
