बस दुर्घटना हुँदा १४ जना घाइते, चारको अवस्था गम्भीर
बागलुङः बागलुङको काठेखोला गाउँपालिका ५ जुगेपानीमा सोमबार बस दुर्घटना हुँदा १४ जना यात्रु घाइते भएका छन् । काठमाण्डौबाट बुर्तिबाङ तर्फ जाँदै गरेको ना ६ ख ३०६० नम्बरको रात्री बस साविकको बिहु ९ जुगेपानीमा दुर्घटना भएको हो ।
दुर्घटनामा परि घाइते भएका १४ जना मध्ये चार जनाको अवस्था गम्भिर रहेको छ । दुर्घटनामा गम्भिर घाइते भएका साविकको बुगांदोभान गाविस ६ गोरेखानीका ४८ बर्षिय जितबहादुर खड्का, बुर्तिबाङ १ का ५० बर्षिय तिलदेवी छन्त्याल, बुगांदोभान ३ का ५५ बर्षिया जोमसरा बुढा र बुर्तिबाङ ७ रिठाबोटका ४३ बर्षिय लिला बिसीलाई उपचारका लागि धौलागिरी अञ्चल अस्पताल बागलुङ ल्याइएको छ ।
चालक निदाएका कारण बस दुर्घटना भएको प्रारम्भिक अनुसन्धानबाट देखिएको जिल्ला प्रहरी कार्यालय बागलुङका सूचना अधिकारी अनिल खड्काले जानकारी दिनुभयो । चालकलाई प्रहरीले नियन्त्रणमा लिएको छ ।
प्रतिक्रिया दिनुहोस !
