एसईई दिएका विद्यार्थीलाई चन्द्रागिरिमा छुट

एसईई दिएका विद्यार्थीलाई चन्द्रागिरिमा छुट

काठमाडौं: चन्द्रागिरि हिल्स लिमिटेडले शैक्षिक सत्र २०७३ को माध्यामिक शिक्षा परीक्षा (एसईई) दिएका विद्यार्थीलाई छुट प्रदान गर्ने भएको छ । एसईई परीक्षा दिएर बसेका विद्यार्थीले तीन सय रुपैयाँमा केबलकार चढ्न पाउने भएका छन् ।

यो छुट व्यवस्था थानकोटस्थित चन्द्रागिरि केबलकारले यही वैशाख मसान्तसम्मका लागि गरेको छ । यो सुविधा लिन विद्यार्थीले परीक्षाको प्रवेशपत्र अनिवार्य साथमा लिई आउनुपर्नेछ । छुटअन्तर्गतको टिकट कम्पनीको थानकोटस्थित टिकट काउन्टरमा मात्र उपलब्ध हुने जनाइएको छ । कम्पनीका अनुसार यो छुट सुविधा लिने विद्यार्थीले अन्य छुट भने पाउने छैनन् ।

ऐतिहासिक, धार्मिक तथा पर्यटकीय गन्तव्यको रूपमा रहेको चन्द्रागिरि डाँडामा यस कम्पनीले भालेश्वर महादेव मन्दिर, सत्तल, भ्यूटावर, चिल्ड्रेन पार्क र सेमिनार हललगायतका पूर्वाधार निर्माण गरेको छ । भ्यूटावरमा रहेको दूर्विनबाट सगरमाथालगायत अन्य हिम शृंखलासमेत दृश्यावलोकन गर्न सकिन्छ ।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.