अमेरिकाका पूर्वराष्ट्रपति बुस अस्पताल भर्ना
हौस्टन : अमेरिकाका पूर्वराष्ट्रपति जर्ज एचडब्लुबुस फोक्सो सुनिने रोग (निमोनिया) भएपछि अस्पतालमा भर्ना हुनुभएको छ। ९२ वर्षीय पर्वराष्ट्रपति बुसलाई हौस्टन मेथोडिस्ट अस्पतालमा भर्ना गरिएको उहाँको एक जना प्रवक्ताले मङ्गलबार जानकारी दिएका छन् ।
उहाँ गत शुक्रबार अस्पतालमा भर्ना हुनुभएको बताइएको छ।उहाँको स्वास्थ्य अवस्था सुधारका लागि थप आराम गर्न चिकित्सकले सुझाव दिएको परिबारका सदस्यहरुले बताएका छन् ।
उहाँका प्रवक्ताले पूर्वराष्ट्रपति बुसको स्वास्थ्य अवस्थामा सुधार आइसकेको पनि जानकारी दिनुभयो ।
यसअघि गत जनवरीमा पनि स्वासप्रस्वासमा समस्या भएपछि उहाँलाई हौस्टन मेथोडिस्ट अस्पतालमा भर्ना गरिएको थियो ।
उहाँ सन् १९२४ मा जन्मनु भएको हो भने सन् १९८९ देखि १९९३ सम्म अमेरिकाको ४१ औं राष्ट्रपति बन्नुभएको थियो । रासस÷सिन्ह्वा
प्रतिक्रिया दिनुहोस !
