एनएमबी बैंकको हेरिटेज वाक
कठमाडौं : एनएमबी बैंकले काठमाडौं महानगरपालिकाको सहकार्यमा छैठौं एनएमबी बैंक हेरिटेज वाक आयोजना गरेको छ । शनिबार भएको उक्त कार्यक्रम संस्थागत सामाजिक उत्तरदायित्वअन्तर्गत विगत ५ वर्षदेखि बैंकले आयोजना गर्दै आएको छ । वाकको मुख्य उद्देश्य आम मानिस तथा स्थानीय समुदायलाई सम्पदाको महत्व बुझाउने तथा तिनको उचित संरक्षण गर्ने रहेको छ ।
कार्यक्रमको उद्घाटन काठमाडौं महानगरपालिकाका प्रमुख इश्वरराज पौडेल, पुरातत्व विभागका प्रमुख भेषनारायण दाहाल, बैंकका सञ्चालक तथा प्रमुख कार्यकारी अधिकृतले संयुक्त रूपमा गर्नुभएको थियो ।
हेरिटेज वाकको कार्यक्रम नक्साल नागपोखरीबाट सुरु भई बसन्तपुर दरबार स्क्वायरमा पुगेर सम्पन्न भएको थियो । कार्यक्रममा सांस्कृतिक सम्पदाको संरक्षण र महत्वका बारेमा अतिथिले आ–आफ्नो धारणा राखेका थिए । बैंकका प्रमुख कार्यकारी अधिकृत सुनिल केसीले सम्पदा संरक्षणका लागि प्रतिबद्धता जाहेर गर्दै सम्पूर्ण अतिथि तथा सहभागीलाई विशेष धन्यवाद दिनुभएको थियो ।
प्रतिक्रिया दिनुहोस !
