काठमाडौं : सिटिजन्स बैंक इन्टरनेसनल लिमिटेडले नेपाल धितोपत्र बोर्डबाट आस्वा लिँदै बैंकको सबै शाखाबाट सेवा प्रदान गर्दै आएको छ । बैंकले सम्पूर्ण लगानीकर्तालाई आइपिओ र एफपियोको दरखास्त लिने व्यवस्था भएको जानकारी गरेको छ ।
। यस प्रणालीमार्फत कुनै पनि कम्पनीको धितोपत्रको सार्वजनिक निष्कासन आइपियो र एफपियोका समयमा लगानीकर्ताबाट दरखास्त संकलन गरिने जानकारी गराएको छ ।बैंकले सो सेवा उपलब्ध गराएबापत प्रतिदरखास्त २५ रुपैयाँ मात्र लाग्ने जानकारी गराएको छ ।
सो सुविधाअन्तर्गत लगानीकर्ताले धितोपत्र खरिद गर्न चाहेको रकम निजहरूको यस बैंकमा भएको चल्ती, बचत वा कल खातामा रोक्का राखेर सोको निस्सा सम्बन्धित लगानीकर्तालाई उपलब्ध गराइनेछ । यसैगरी, धितोपत्रको बाँडफाँटपश्चात् लगानीकर्ताको भागमा परेको रकम बराबर मात्र उक्त खातामा खर्च गरिने समेत बैंकले जानकारी गराएको छ ।
उक्त कार्यले दरखास्त फारम बुझाउन र आफ्नो रकम फिर्ता पाउन लाइन बस्ने समयसमेत सदुपयोग गर्न सकिने बैंकको भनाइ छ । बैंकका ५८ वटै शाखाबाट दरखास्त लिने व्यवस्थासहित खाता नभएका लगानीकर्तालाई पनि सरल तरिकाले खाता खोल्ने व्यवस्था गरिएको बैंकले जनाएको छ
प्रतिक्रिया दिनुहोस !
