काठमाडौंः निजी विद्यालयले चर्को शुल्क लिएको बिरोधमा आन्दोलनरत संयुक्त विद्यार्थी संगठनहरूले देशभरका जिल्ला शिक्षा कार्यालयमा तालाबन्दी गरेका छन् ।
नेपाल विद्यार्थी संघको केन्द्रीय कार्यालयमा बसेको संयुक्त विद्यार्थी संगठनले शुक्रबार देशभरका जिल्ला शिक्षाा कार्यालयमा तालबान्दी गर्ने निर्णय अनुरुप तालाबन्दी गरेको हो । काठमाडौं, भक्तपुर, ललितपुर, बाँके, बर्दियालगायतका जिल्ला शिक्षा कार्यालयमा तालाबन्दी भइसकेको र अन्य जिल्लामा पनि तालाबन्दी हुने क्रम जारी रहेको अनेरास्ववियु प्रचार विभाग प्रमुख एवम् प्रवक्ता सुदिप शर्माले जानकारी दिनुभयो ।
सरकारी मापदण्ड भन्दा बढी शुल्क लिने विद्यालयबाट बढी लिएको शुल्क फिर्ता दिन दबाब दिने उद्देश्यले आन्दोलनका थप कार्यक्रम घोषणा गरिएको उहाँको भनाई छ । त्यस्तै संयुक्त विद्यार्थी संगठनले वैशाख १७ गते जिल्ला शिक्षा अधिकारी तथा शिक्षा मन्त्रालयका अघिकारीलाई सार्वजनिक बहिष्कार गर्ने र वैशाख १८ गते सरकारी गाडी चल्न निषेध गर्ने निर्णय भएको शर्माले जानकारी दिनुभयो ।
प्रतिक्रिया दिनुहोस !
