बस पार्कमा ब्याट्री पड्किएर आगलागी हुँदा चार बस ध्वस्त
वीरगन्ज : वीरगन्जको नयाँ बसपार्क परिसरमा रहेको ग्यारेजमा शुक्रबार साँझ ६ बजे आगलगी हुँदा चार बस जलेर ध्वस्त भएका छन् । बसपार्क परिसरमा रहेको नेपाल प्रहरीको अस्थायी पोष्ट नजिकैको ग्यारेजमा आगलागी हुँदा चार बस जलेर ध्वस्त भएको पर्साका प्रहरी नायव उपरीक्षक चक्रराज जोशीले बताउनु भयो ।
ननई अन्सारीको ग्यारेजमा मर्मतका लागि राखिएका चार बस जलेर नष्ट हुँदा करिब ९० लाख रुपैयाँको क्षति भएको जोशीले जानकारी दिनु भयो ।
आगलागीमा ना ३ ख ६०८८ , ना ५ ख ५७५१ , ना ४ ख ७४२१ र ना ५ ख २७६ नम्बरका बस जलेर नष्ट भएका छन्। ग्यारेजमा राखिएको बसको वेल्डिङ गर्ने क्रममा ब्याट्रीको तार सर्ट हुँदा आगलागी भएको थियो।
बसमा लागेको आगो वीरगन्ज र कलैया उपमहानगरपालिका कार्यालयका दुई बारुण यन्त्रको सहयोगामा नेपाली सेना ,सशस्त्र प्रहरी र नेपाल प्रहरीले करिब एक घण्टापछि निभाएको प्रहरी नायव उपरीक्षक जोशीले जानकारी दिनुभयो।
प्रतिक्रिया दिनुहोस !
