जगदम्बा स्टिल्सद्वारा टेक्निकल मिट
काठमाडौं : शंकर गु्रपअन्तर्गतको भगिनी कम्पनी जगदम्बा स्टिल्सले नेपाली बजारमा ग्यारेन्टिड डक्टिलिटीसहितको एफई ५०० डी ग्रेडमा राइनो स्टिल फलामे डन्डीको उत्पादन थालेको छ । उक्त एफई ५०० डी ग्रेडमा राइनो स्टिल फलामे डन्डीको उत्पादनका सम्बन्धमा प्राविधिक जानकारी प्रदान गर्न कम्पनीले धुम्बाराहीमा टेक्निकल मिटको आयोजना गरेको हो ।
कम्पनीद्वारा आयोजित टेक्निकल मिटमा जगदम्बा स्टिल्स प्रालिका प्रमुख कार्यकारी अधिकृत आनन्द नेपालले राइनो ५०० डी नेपालमा भएको फलामे डन्डीभन्दा भिन्न र एक स्तरमाथिको गुणस्तरीय फलामे छड पहिलो पटक नेपालमा ल्याइएको जानकारी दिनुभयो । उहाँले उत्पादन प्रक्रिया, भौतिक तथा रासायनिक गुणको समि श्रणलगायत कारणले यो छड बजारमा उपलब्ध अन्य उत्पलब्ध छडभन्दा विशेष र पृथक रहेको बताउनुभयो ।
ग्रेड एफर्ई ५०० डीमा कम्पनीले सल्फर र फसफोरसको समि श्रणको अधिकतम् ०.०७५ प्रतिशत मात्र प्रयोग गरेको छ । यसले गर्दा छड अत्यधिक मजबुत हुनुका साथै बजारमा पाइने डन्डी (एफई ५०० ग्रेड) भन्दा ३३ प्रतिशत बढी लचक हुने उहाँले बताउनुभयो । कम्पनीका अनुसार उच्च डक्टिलिटी÷लचकता र शक्तिसहितको राइनो ५००डी उच्च भूकम्पीय जोखिम भएको हाम्रोजस्तो देशका लागि अति उपयुक्त छ ।
प्रतिक्रिया दिनुहोस !
