काठमाडौं : नेपाल उद्योग वाणिज्य महासंघले परिवर्तित समयमा श्रमिक र रोजगारदाता सबैका लागि अन्तर्राष्ट्रिय श्रमिक दिवस (मे दिवस) उत्तिकै महत्वपूर्ण भएको बताएको छ । मे दिवसले श्रमिक र कामदारको लागि विशेष महŒव राख्दै आएको महासंघले जारी गरेको विज्ञप्तिमा उल्लेख छ ।
एक सय २८ औं अन्तर्राष्ट्रिय मे दिवसको अवसरमा शुभकामना दिँदै महासंघ अध्यक्ष भवानी राणाले भन्नुभयो, ‘औद्योगिक शान्ति र असल श्रम सम्बन्धको विकासका लागि हामीले गर्दै आएको प्रयास र हामी बीचको सहकार्यबाट आपसी विश्वास र सहयोग प्रबद्र्धनमा ठूलो बल पुगेको हामीले महशुस गरेका छौं ।'
लगानी प्रबद्र्धन र रोजगारी सिर्जना प्रमुख चुनौती रहेको सन्दर्भमा मे दिवसले श्रमिक र रोजगारदाता सबैलाई मुलुकको आर्थिक विकास र समुन्नतिका लागि थप सहयोग र सद्भावका साथ अघि बढ्न प्रेरित गर्ने अध्यक्ष राणाले कामना गर्नुभएको छ ।
महासंघ उपाध्यक्ष एवं रोजगारदाता परिषद्का सभापति चन्द्रप्रसाद ढकालले उद्योग व्यवसायको विस्तार, आर्थिक वृद्धि र पर्याप्त रोजगारी सिर्जना अहिलेको आवश्यकता रहेको बताउनुभएको छ । ‘हाम्रा सामु रहेका यी चुनौती र आवश्यकतालाई मध्यनजर गरी मुलुकको अर्थतन्त्रको विकास र हाम्रो समुन्नतिका लागि हाम्रो प्रयत्न र प्रतिवद्धताको विकल्प छैन', उहाँले भन्नुभएको छ, ‘यसर्थ हामीले थप सहकार्य र सहयोगका माध्यमबाट अघि बढ्नुपर्छ भन्ने हाम्रो विशेष आग्रह हो ।'
श्रम सम्बन्ध सुधारका लागि ट्रेड युनियनसँग गर्दै आएको सहकार्यले श्रमिक र रोजगारदाताबीच आपसी विश्वास वृद्धि गर्न ठूलो सहयोग पुगेको उपाध्यक्ष ढकालको विश्वास छ । दुवै पक्षबीचको सम्बन्धलाई अझ भरपर्दो बनाउन प्रयत्नशील रहने उहाँले विश्वास दिलाउनु भएको छ ।
प्रतिक्रिया दिनुहोस !
