नेपालगन्ज : अन्नपूर्ण मिडिया नेटवर्कले आयोजनामा सञ्चालन भइरहेको अन्नपूर्ण पोष्ट इन्टरनेशनल कर्पोरेट ब्याडमिन्टन प्रतियोगिता सोमबार पनि जारी रहेको छ।
मंगलबार हुने फाइनलको लागि महिला एकल तर्फको खेलमा बाँकेकी मेरी थापा र बाँकेकै सम्झना शर्मा भिडने भएका छन्।
सोमबार भएको महिला एकल तर्फको सेमिफाइनल खेलमा मेरीले सामीक्षा न्यौपानेलाई २१-१९ र २१-१९ को स्कोरले पराजित गर्दै फाइनलमा प्रवेश गरेकी छन्। ब्याडमिन्टनकी राष्ट्रिय खेलाडी मेरीको ९ बर्षपछि प्रतियोगितामा पुनरागमन भएको हो।
त्यस्तै बाँकेकी सम्झना शर्माले बाँकेकै निरु ताम्राकारबाट वाक ओभर पाई फाइलमा पुगेकी छन्। पुरुष एकल तर्फ बाँकेका रियाज अन्सारीले दाङका विक्की बुढालाई २१-९ र २१-१३ को अन्तरले पराजित गर्दै फाइनलमा प्रवेश गरेको छ भने बाँकेका शिव थापाले बाँके कै सहरोज अन्सारीलाई २१-१६, २१-१३ पराजित गर्दैै फाइनलमा पुगेका छन्।
पुरुष डबलतर्फ बाँकेका रियाज अन्सारी र सेहरोज अन्सारीको जोडीले दाङका तुलसी महरा र विक्की बुढालाई २७-६, २१-१७ को अन्तरले पराजित गरेर फाइनलमा पुगेका छन्।
त्यस्तै सुर्खेतका महेशविक्रम सिंह र टक्क बहादुर शाहीको जोडीले बाँकेको अभयलाल श्रेष्ठ र अरुण कुमार गौतम ‘टाइगर’को जोडीलाई १८-२१,२१-१७ र २१-१९ को अन्तरले पारजित गरेका छन्। फाइनल खेल मंगलबार हुने प्रतियोगिताका रेफ्रि उदय अर्यालले जानकारी दिए।
प्रतिक्रिया दिनुहोस !
