ट्याक्टर दुर्घटनामा सहचालकको मृत्यु
प्यूठान : स्वर्गद्धारी नगरपालिका–३ भिंगृस्थित सोँडमा ट्याक्टर दुर्घटना हुँदा एक जनाको ज्यान गएको छ । मंगलबार विहान भिंगृ जलुकेबाट किमिचौरतपर्फ जाँदै गरेको लु २ त ६९०० नम्बरको ट्याक्टर दुर्घटना भएको हो । दुर्घटनामा परी सहचालक दाङ सैघा निवासी १६ वर्षीय मनोज रानाको घटनास्थलमै ज्यान गएको जिल्ला प्रहरी कार्यालय प्यूठानले जनाएको छ ।
ट्याक्टर सडकबाट करिव ५० मिटर तल खसेको प्यूठानका प्रहरी प्रमुख डिएसपी रंजितसिँह राठौँरले जानकारी दिनुभयो । जलुकेबाट निर्माणका लागि ढुंगा लिएर जाँदै गर्दा ट्याक्टर दुर्घटनामा परेको प्रहरीले जनाएको छ । दुर्घटनाको कारण खुल्न नसकेको प्रहरीको भनाई छ ।
प्रतिक्रिया दिनुहोस !
