काठमाडौं : प्रधानन्यायाधीश शुशिला कार्कीलाई महाअभियोग लगाएको विरोधमा विद्यार्थी संगठनले आन्दोलन थालेका छन् । प्रमुख प्रतिपक्ष दल नेकपा एमालेको भातृ संगठन अनेरास्ववियुले महाअभियोग प्रस्तावबिरुद्ध आन्दोलनको घोषणा गरेको छ ।
अनेरास्ववियुले स्वतन्त्र न्यायपालिका माथिको नाङ्गो हस्तक्षेप भन्दै बैशाख १९ गते महाअभियोग प्रस्ताबमा हस्ताक्षर गर्ने सांसदहरुलाई अबिलम्ब प्रस्ताव फिर्ता लिन आग्रह गर्दै मोबाइल सन्देश पठाउने भएको छ । त्यस्तै आजै सामाजिक सञ्जालमा जागरण अभियान सञ्चालन सुरु गरेको छ ।
बैशाख२० गते बिहान जागौ जनता नारा सहितको दौड जुलुस, बैशाख २० गते ३ बजे बानेश्वरमा प्लेकार्ड सहित कालो पट्टीसहित जुलुस गर्ने, वैशाख २१ गते बिहान आर आर क्यापस अगाडि सडक अन्तरक्रिया गर्ने अनेरास्ववियुका प्रवक्ता सुदिप शर्माले जानकारी दिनुभयो ।
अनेरास्ववियुका नेता माधव पन्तले महाअभियोग प्रस्ताव फिर्ता नलिएसम्म आन्दोलन नरोकिने जानकारी दिनुभयो ।
प्रतिक्रिया दिनुहोस !
