काठमाडौं : राजनीतिक अन्यौलताबीच स्थानीय तह निर्वाचन प्रक्रिया सुरु भएको छ । राजनीतिक उतारचढावसँगै घोषित कार्यतालिका अनुरुप नै आजबाट निर्वाचन प्रक्रिया सुरु भएको हो । पहिलो चरणको निर्वाचन अन्र्तगत आज देशभरका ३४ जिल्लाका दुई सय ८३ स्थानमा उम्मेदवारको मनोनयन हुँदै छ । निर्वाचन आयोगका अनुसार बिहान १० बजेदेखि ५ बजेसम्म उम्मेदवारी दर्ता हुने छ । पूर्णरुपमा उत्साह नभएपनि ३४ जिल्लामै उम्मेदवारी दर्ताका लागि दलहरु क्रियाशील भएर लागेका छन् ।
लामो समयदेखि चुनाव नभएकाले राजनीतिक दलमा उत्साह देखिनुपर्ने भएपनि त्यस्तो पाइएको छैन् । उम्मेदवार टुंगो नलागेकाले पनि कतिपय दल अझै आन्तरिक छलफलमा छन् ।
दुई दशकदेखि स्थानीय निकाय जनप्रतिनिधिवीहिन छन् । यद्यपी, राजनैतिक अन्यौलताका कारण कतिपय दलले आफ्ना उम्मेदवार घोषणा गर्न सकेका छैनन् । सत्तारुढ दलकै दलका अधिकांश नेताहरुले दिउँशोसम्म उम्मेदवारी दर्ता गराइसकेका छैनन् । आज मनोनयन गर्ने अन्तिम समय भएकाले बेलुकीसम्म सबै दलले उम्मेदवारी घोषणा गर्ने संभावना छ ।
प्रतिक्रिया दिनुहोस !
