विराटनगर : विराटनगर-१० हाटखोलाबाट बुधबार बाइस केजी गाँजासहित दुई जना पक्राउ परेका छन्।
प्रहरीले विराटनगर बजारबाट हाटखोलातर्फ सिटी सफारीमा जाँदै गर्दा दुई जनाले सुटकेश भित्र गाँजा राखेर लैजाँदै गर्दा पक्राउ गरेको हो। मोरङका एसपी सन्दिप भण्डारीका अनुसार पक्राउ पर्नेमा मोरङ भाथिगछ-२ काजितेन ठाकुर र ज्योतिषकुमार राजवंशी छन्। उनीहरुको साथबाट २२ केजी गाँजा बरामद भएको छ।
शंका लागि चेक जाँचगर्दा साथमा रहेको सुटकेश भित्र गाँजाका २२ वटा पोका फेला परेको भण्डारीले बताउनु भयो। प्रहरीले गाँजासहित पक्राउ परेको ठाकुर र राजवंशीलाई लागू औषध नियन्त्रण ऐन अन्तर्गत मुद्दा दर्ता गरी म्यादथप गरेको छ। उनीहरु सँगै सिटी सफारी चालकलाई नियन्त्रणमा लिई अनुसन्धान थालेको छ।
प्रतिक्रिया दिनुहोस !
