काठमाडौ : सरकारले सशस्त्र प्रहरी बलका तीन जना सशस्त्र प्रहरी नायब महानिरीक्षक(डिआइजी)लाई सशस्त्र प्रहरी अतिरिक्त महानिरीक्षक(एआइजी) पदमा वढुवा गरेको छ । मन्त्रिपरिषद्को बिहीबार बसेको वैठकले डीआईजीहरु पुष्पराम केसी,नारायणबावु थापा, रामशरण पौडेललाई एआईजीमा वढुवा गर्ने निर्णय गरेको हो ।
गृह मन्त्रालयले गत चैत १८ गते बढुवाको सिफारिस गरेपनि लोकसेवा आयोग र सर्वोच्च अदालतमा वढुवा विरुद्ध मुद्दा परेपछि बढुवामा ढिलाइ भएको थियो । लोकसेवा आयोगले चैत ३१ गते र सर्वोच्च अदालतले वैशाख ६ गते वढुवालाई सदर गरेको थियो ।
वढुवाको सिफारिसप्रति असन्तुष्टी जनाउँदै सशस्त्रका डीआईजी उत्तम खडकाले लोकसेवा आयोग र सर्वोच्च अदालतमा छुट्टा छुट्टै मुद्दा दायर गर्नु भएको थियो । उपप्रधान एवं गृहमन्त्री बिमलेन्द्र निधिले मन्त्रिपरिषद वैठक वहिष्कार गरेपछि वढुवा सिफारिस मन्त्रिपरिषद वैठकमा पेश हुन सकेको थिएन ।
प्रतिक्रिया दिनुहोस !
