किताव किनेर फर्कने क्रममा रुखले किचेर छात्राको मृत्यु
जाजरकोटः किताव किनेर घर फर्कने क्रममा हावाहुरीले रुख ढल्दा जाजरकोटमा एक स्कुले बालिकाको मृत्यु भएको छ।
कुशे गाउँपालिका–४ का जंगबहादुर शाहीकी १२ वर्षीय छोरी रमिता शाहीको बाटुलेचौरबाट किताव किनेर फर्कने क्रममा रुखले किचेर गोयाको जंगलमा मृत्यु भएको जिल्ला प्रहरी कार्यालय जाजरकोटले जनाएको छ।
घाइते भएकी रमितालाई उपचारका लागि स्वास्थ्यचौकीतर्फ लैजाँदै गर्दा बाटोमै मृत्यु भएको प्रहरीले जनाएको छ। उनीसँगै गएकी दिदी पुष्पा घाइते हुनु भएको छ। पुष्पाको स्थानीय स्वास्थ्य चौकीमा उपचार भइरहेको छ। मृतक शाही मालटाकुरा माविमा ८ कक्षामा अध्ययनरत छात्रा हुनुहुन्थ्यो ।
प्रतिक्रिया दिनुहोस !
