भक्तपुर : क्यान्सर रोगबारे जनचेतना जगाउन र सर्वसाधारणको स्वास्थ्य परीक्षण गर्न नगरकोटमा एक दिने स्वास्थ्य शिविर गरिएको छ । भक्तपुर, काठमाडौं र काभ्रेका सर्वसाधारणलाई लक्षित गरी शिविर आयोजना गरिएको हो । शिविरमा दुई सय ४० जनाको स्वास्थ्य परीक्षण गरिएको आयोजक संस्था निधी शक्ति स्वास्थ्य संस्थाका अध्यक्ष प्रदीप सापकोटाले जानकारी दिनुभयो ।
परीक्षणमा सहभागी अधिकांश महिलामा पाठेघर खस्ने समस्या रहेको पाइएको छ । यस्तै वृद्धा महिलामा पनि महिलासम्बन्धी समस्या उच्च पाइएको छ । परीक्षणका क्रममा क्यान्सरको शंका गरिएका केहीलाई थप परीक्षणका लागि भक्तपुर क्यान्सर अस्पतालमा बोलाइएको आयोजकले जानकारी दिएका छन् । शिविरमा आएका पुरुषको मुख र फोक्सोको विशेष परीक्षण गरिएको थियो । स्वास्थ्य शिविर भक्तपुर अवुर्द रोग निवारण संस्था र भगवान युवा क्लव आलापोटको सहयोगमा सञ्चालन गरिएको हो ।
क्यान्सरको प्रभारम्भिक चरणमा नै उपचार गर्न सके निदान गर्न सम्भव हुन्छ । तर, ग्रामीण क्षत्रका वासिन्दा यस विषयमा सचेत नहुँदा रोग थाहाभएपछि पनि उचार कठिन बन्ने गरेको छ । भक्तपुर अर्वुद रोग निवारण संस्थाका अध्यक्ष श्रीधर राठौरले शिविरमा भक्तपुर क्यान्सर अस्पतालका दुई जना चिकित्सकसहित १४ जनाको स्वाथ्यकर्मी टोली सहभागी भएको जानकारी दिनुभयो । संस्थाले आगामी दिनमा काभ्रे, रामेछाप, दोलखालगायतका जिल्लामा पनि क्यान्सरसम्बन्धी स्वास्थ्य शिविर सञ्चालन गर्ने तयारी गरेको छ । आयोजक संस्थाले क्यासर रोग लागि उपचार गराउन नसक्ने व्यक्तिहरूको उपचारमा पनि सहयोग गर्दै आएका छन् ।
प्रतिक्रिया दिनुहोस !
