धादिङमा कांग्रेस उम्मेदवारको गाडीमा आगजनी
धादिङ : धादिङको धुनीबेशी नगरपालिका-५ बद्रीटार चौरमा गएराति दुई गाडीमा आगजनी भएको छ ।नेपाली काँङग्रेसकोतर्फबाट धुनीबेशी नगरपालिका वडा नं ५ का उम्मेद्वार नवराज धितालले चुनावी प्रयोजनको लागि प्रयोग गरेको बा १२ च १२७६ नम्वरको बोलेरो जीप र काङग्रेसकै नेता विदुर अकौलियाले प्रयोग गरेको बा ३ च १७०३ नम्वरको नीजि गाडीमा आगजनी भएको हो ।
आगजनी कसले गरेको भन्नेबारे अहिलेसम्म नखुलेको र घटनाको विषयमा अनुसन्धान भइरहेको खानीखोला प्रहरीले जानकारी दिएको छ । आगजनीका कारण दुवै सवारी साधन क्षतिग्रस्त भएको छ ।
स्थानीय तहको निर्वाचन नजिकिदै जाँदा धादिङको दक्षिणी राजगमार्ग क्षेत्रमा उमेद्वारका गाडीमा लक्षितगरी अज्ञात समूहले आगो लगाउन थालेका छन । यसअघि शनिबार धादिङकै थाक्रे गाउँपालिका वडा नं २ नेकपा एमालेका उम्मेद्वार राजकुमार पौडेलको गाडीमा पनि आगजनी भएको थियो ।
प्रतिक्रिया दिनुहोस !
