फिदिम : तेह्रथुमको आठराइदेखि फिदिमतर्फ आउँदै गरेको मे १ ज २३८५ नम्बरको ट्याक्सी चुहानडाडामा आइतबार बिहान दुर्घटना हुँदा ट्याक्सीमा सवार ११ जना घाइते भएका छन् । घाइतेमध्ये तीन जनाको अवस्था गम्भीर भएको प्रहरीले जनाएको छ ।
घाइतेमध्ये चुहानडाँडा २ बस्ने गिता कट्टेल जमुना कट्टेल र चुहानडाँडा ६ बस्ने तुलसा बाँस्कोटा गम्भीर घाइते भएका छन् । उनीहरुको पाँचथर अस्पतालमा उपचार सम्भव नभएपछि विपि कोइराला स्वास्थ्य विज्ञान प्रतिष्ठा घोपा रिफर गरिएको छ ।
तेह्रथुमको संक्रान्ति ६ का शिक्षा इङनाम, फिदिम चार बस्ने विमला सुवेदी (बिष्ट) दिपसन रोक, झापा बुधबारे ८ बस्ने जमुना ओली, सुशीला न्यौपाने, चुहानडाँडा ९ बस्ने रमा गौतम, ह्वाकु ३ बस्ने चक्र इङनाम र उनकी श्रीमती रुपा इङनामको फिदिम स्थित पाँचथर अस्पतालमा उपचार भइरहेको छ ।
सडकबाट चिप्लिएर दुर्घटना भएको प्रहरीले बताए पनि चालक फरार रहेकाले घटना हुनुको कारण खुल्न सकेको छैन् । दुर्घटनापछि चालक फरार रहेको प्रहरीले जनाएको छ ।
प्रतिक्रिया दिनुहोस !
