कागको गुँड झिक्न खोज्दा करेन्ट लागेर दुई जनाको मृत्यु
बागलुङ : बागलुङ बजारको नेपाल टेलिकमको कार्यालय परिसरमा करेन्ट लागेर सोमबार बिहान दुई जनाको मृत्यु भएको छ । नेपाल टेलिकम दुरसञ्चार कार्यालयको निर्मार्णाधीन भवनमा केही दिन यता काम गर्दै आएका अन्दाजी १५ बर्षीय बमबहादुर घर्ती र दुधन घर्तीको ज्यान गएको जिल्ला प्रहरी कार्यालयले जनाएको छ ।
मृत्यु हुने दुवै पश्चिम निसीको रहेको बताइएको छ । यद्यपी अझै प्रष्ट ठेगाना खुलिसकेको छैन । निर्माणाधीन भवन नजिकै रहेको रुखमा रहेको कागको गुँड रड प्रयोग गरेर खसाल्न खोज्ने क्रममा प्रयोग गरिएको रड हाइटेन्सनमा ठोकिदाँ करेन्ट लागेको हो ।
करेण्ट लागेर ज्यान गएका दुवैलाई पोष्टमार्टमका लागि धौलागिरि अञ्चल अस्पतालमा लैजाने तयारी भएको प्रहरीले जनाएको छ ।
प्रतिक्रिया दिनुहोस !
