चुनावका लागि गाउँ छिर्दा पक्राउ
गोरखा : प्रहरीको खोजी सूचीमा रहेका गुम्दा सिङ्लाका बिसबहादुर गुरुङ पक्राउ परेका छन् । प्रहरी प्रधान कार्यालयको आदेशमा गुरुङलाई सोमबार बिहान गाउँबाटै पक्राउ गरिएको जिप्रका गोरखाका एपसी जनकराज पाण्डेयले जानकारी दिनुभयो । गुरुङलाई मङ्गलबार सदरमुकाम ल्याइपुर्याइने प्रहरीले जनाएको छ।
बिभिन्न शंकास्पद गतिबिधिमा संलग्न रहेको आरोप लाग्ने गरेका उनी लामो समयदेखि भारतको दार्जिलिङ बस्दै आएका थिए । चुनाब नजिकिएपछि उनी गाउँ फर्केका हुन् । उनका भाइ लक्ष्मण गुरुङ धार्चे गाउँपालिकामा नयाँशक्तिको तर्फबाट प्रमुख पदमा चुनाब लडेका छन् ।
प्रतिक्रिया दिनुहोस !
