एमाले र माअाेवादीबीच झडप :एक जनाको मृत्यु,एक घाइते, अाठ पक्राउ
दाेलखा : नेकपा माअाेवादी केन्द्रकाे कुटपिटबाट गौरीशंकर गाउँपालिका वडा नं २ का नेकपा एमालेबाट वडा सदस्यको उम्मेद्वार बनेको गोरे तामाङका ३३ वर्षीय छोरा कुलबहादुर तामाङको मृत्यु भएको छ । प्रमुख जिल्ला अधकिारी यज्ञराज बोहाराका अनुसार टाउकोमा गम्भीर चोट तामाङको अस्पताल लैजाँदा गर्दा उनको ज्यान गएको हो ।
माओवादीको आक्रमणबाट नेकपा एमाले गौरिशंकर गाऊँपालिका वडा नं १ पार्टी कमिटीका अध्यक्ष बद्री बुढाथोकीका बाबु५५ वर्षीय दिलबहादुर बुढाथोकी गम्भिर घाईते हुनुभएको छ । उहाँको अवस्था गम्भीर रहेको प्रहरीले जनाएको छ । घाईतेको बुढाथोकीको अवस्था गम्भिर रहेकाले राति नै उपचारका लागि काठमाडौ पठाइएको छ ।
गौरीशंकर गाउँपालिका वडा नम्बर १ जुबु भन्ने स्थानमा चुनावी प्रचारका क्रममा माओवादी र एमालेबीच विवाद भएको थियो । घटनास्थ्लमा डिएसपी रबिन कार्कीसहितको प्रहरी टोली बुधबार बिहानै पुगिसकेको छ ।
यसैबीच प्रहरीले घटनामा संलग्न ८ जनालाई पक्राउ गरेको छ ।
प्रतिक्रिया दिनुहोस !
