काठमाडौं : नेपालका लागि एचटीसी स्मार्टफोनको एकमात्र आधिकारिक वितरक जनरल नेक्स्ट कम्युनिकेसन्स प्रालिले एचटीसी यू प्ले, एचटीसी वान एक्स ९ तथा एचटीसी डिजायर ८२५ बजारमा सार्वजनिक गरेको छ । कम्पनीको अनुसार एचटीसी यू प्लेको नेपाली बजार मूल्य ४९ हजार नौ सय ९९, एचटीसी वान एक्स ९ को नेपाली बजार मूल्य २८ हजार ६ सय तथा एचटीसी डिजाइर ८२५ को मूल्य १८ हजार नौ सय तोकिएको छ ।
एचटीसी यू प्ले कम्पनीले बजारमा ल्याएको एचटीसीको यू सिरिज सन् २०१७ मा सुरु भएको हो । यसमा नयाँ डिजाइर र सुविधालाई समावेश गरिएको छ । यसको मुख्य विशेषता भनेको लिक्विड सर्फेस हो, कम्पनीका अनुसार यसको बाहिरी भागलाई हातले दबाउन सकिनेछ । ५.२ इन्चको फुलएचडी सुपर एलसीडी डिस्प्ले रहेको यसलाई गोरिल्ला ग्लासद्वारा सुरक्षित गरिएको छ । २.० गिगाहर्जको ६४ बिट अक्टा कोर मिडिया टेक हेलियो पी १० प्रोसेसर प्रयोग गरिएको स्मार्टफोनमा ४ जीबीको र्याम तथा ६४ जीबीको स्टोरेज क्षमता रहेको छ ।
जसलाई यूएसडी कार्डको प्रयोग गरी २ जीबीसम्म पुर्याउन सकिने कम्पनीले जनाएको छ । फोटोका लागि १६ मेगापिक्सेलको रियर तथा फ्रन्ट क्यामरा रहेको छ । यसको दुवै क्यामराले एचडी क्वालिटीको भिडियो रेकर्ड गर्न सकिन्छ । एचटीसी यू प्ले स्मार्टफोना २५०० एमएएचको ब्याट्रीको प्रयोग भएको छ । जसले आठ घन्टासम्मको रेकर्ड गर्न सकिन्छ भने ४४ मिनेटसम्म निरन्तर एचडी भिडियोहरू हेर्न सकिने कम्पनीको दाबी छ । यसले सामान्य प्रयोगका लागि भने दिनभर ब्याट्री ब्याकअप दिनेछ । फोनमा एचटीसी यू सोनिक, ड्युल नानो सिम स्लट, ब्लुटुथ ४.२, ड्युल ब्यान्ड वाईफाई, एनएफसी, ओटिजी, जीपीएस, ग्लोनासलगायतका सुविधा छन् । फोरजी सपोर्ट गर्ने यो स्मार्टफोनमा जाइरोस्कोप, म्याग्नेटिक तथा फिंगर प्रिन्टलगायतका सेन्सर रहेको छ ।
एचटीसी वान एक्स ९
एचटीसी वान एक्स ९ कम्पनीको डिजाएर श्रेणीको उत्कृष्ट स्मार्टफोन हो । वान एक्स ९ मा पूरा मेटल फ्रेम प्रयोग गरिएको यो स्मार्टफोनको अग्रभागमा ग्लास राखिएको छ जो केही घुमाउदार र आकर्षक देखिन्छ । यसको डिस्प्लेभन्दा मुनि ब्याक, होम र रिसेन्ट बटन राखिएको छ । यसको स्क्रिनलाई गोरिल्ला ग्लासद्वारा सुरक्षित बनाइएको छ । डिस्प्लेको माथिल्लो भाग र तल्लो भागमा ड्युल स्पिकर ग्रिले प्रयोग गरिएको कम्पनीले जनाएको छ ।
एचटीसी वान एक्स ९ मा ५.५ इन्चको फूलएचडी सुपर एलसीडी डिस्प्ले राखिएको छ । जसले घाम लागेको बेलामा पनि सहजरूपमा फोन हेर्न र चलाउन सकिन्छ । यो फोनमा भएको ड्युल एचटीसी बुम साउन्ड स्पिकरले गर्दा फोनमा भिडियो र गेम खेल्न निकै आनन्द हुनेछ । मिडिया टेकको अक्टाकोर हेलियो एक्स १० प्रोसेसर प्रयोग भएको एचटीसी वान एक्स ९ मा ३ जीबीको र्याम रहेको छ ।
यसमा ३२ जीबीको आन्तरिक स्टोरेज छ भने यसलाई बढाएर २ टीबीसम्म पुर्याउन सकिने कम्पनीले जनाएको छ । फोटोका लागि १३ मेगापिक्सेलको रियर क्यामरा तथा ५ मेगपिक्सेलको फ्रन्ट फेसिङ क्यामरा राखिएको छ । वान एक्स ९ मा ब्लूटुथ ४.२, वाईफाई ,जीपीएस, ग्लोनास, मिराकास्ट तथा फोरजी एलटीईको सुविधा छ । फोनमा ३,००० एमएएचको ब्याट्रीको प्रयोग गरिएको छ ।
एचटीसी डिजायर ८२५
यो स्मार्टफोनमा ५.५ इन्चको टचस्क्रिन डिस्प्ले राखिएको छ । १.६ गिगाहर्जको क्वाड कोर क्वालकम स्न्यापड्रागन ४०० प्रोसेसर रहेको यो स्मार्टफोनमा २ जीबीको र्याम रहेको छ । फोनमा १६ जीबीको आन्तरिक स्टोरेज छ, जसलाई माइक्रो एसडी कार्डको सहयोगबाट बढाएर एक सय २८ जीबीसम्म पुर्याउन सकिन्छ ।
क्यामराको बारेमा, एचटीसी डिजायर ८२५ मा १३ मेगापिक्सेलको मुख्य क्यामरा तथा ५ मेगापिक्सेलको फ्रन्ट क्यामरा सेल्फीका लागि राखिएको छ । एन्ड्रोयड ६.० भर्सनमा सञ्चालन हुने यो स्मार्टफोनमा २७०० एमएएचको रिमुभेवल ब्याट्री रहेको छ । एचटीसी डिजायर ८२५ मा ड्युल माइक्रो सिम सपोर्ट गर्दछ । कनेक्टिभिटीका लागि यसमा वाईफाई, जीपीएस, ब्लुटूथ, यूएसबी ओटिजी, एफएम, थ्रीजी तथा फोरजी राखिएको छ । यसमा प्रोक्सिमिटी सेन्सर, एक्सेलेरोमिटर, एम्बिएन्ट लाइस सेन्सर तथा जाइरोस्कोप राखिएको छ । कम्पनीको एचटीसी युप्ले ब्लु रङमा उपलब्ध हुनेछ भने एचटीसी वान एक्स ९ गोल्ड ग्रे रङमा उपलब्ध हुनेछ । त्यस्तै, एचटीसी डिजाइर ८२५ ग्रे र ह्वाइट रङको अप्सनमा उपलब्ध छ ।
कम्पनीले यी उत्पादनको खरिदमा एक वर्षको वारेन्टीका प्रदान गर्ने जनाएको छ । यसका लागि ग्राहकले आधिकारिक च्यानलहरूबाट मात्र खरिद गर्नु पर्नेछ । गएचटिसी आधिकारिक स्टोरबाट किन्दा जेननेक्स्टको होलोग्राम बक्समा टाँसिएको हुने कम्पनीले जनाएको छ ।
प्रतिक्रिया दिनुहोस !
