खुकुरी प्रहार गरी एक युवकको हत्या
![खुकुरी प्रहार गरी एक युवकको हत्या](https://annapurnapost.prixacdn.net/media/albums/death-59193957ea7366.18782620_8qOF5SLFln.jpg)
ताप्लेजुङ : ताप्लेजुङ सदरमुकाम फुङलिङमा आइतबार साँझ खुकुरी प्रहारवाट एक युवकको हत्या भएको छ । फुङलिङ नगरपालिका-१० फुरुम्बु घर भएका २६ वर्षीया टाईगर भनिने सबाहाङ तवेबुङ लिम्बूको खुकुरी प्रहारवाट हत्या भएको जिल्ला प्रहरी कार्यालय ताप्लेजुङले बताएको छ ।
प्रहरीका अनुसार सदरमुकामस्थित कफी हाउस लाइनमा साँझ करिब ७ः३० बजे तवेवुङ माथि तीन/दुई जनाको समूहद्वारा खुकुरी प्रहार भएको थियो । पेटमा गहिरो चोट लागेका उनलाई तत्काल सदरमुकामस्थित जिल्ला अस्पतालमा पुर्याएलगत्तै उनको मृत्यु भएको प्रहरीले बताएको छ ।
घटनामा संलग्न फुङलिङ नगरपालिका-१० फुरुम्बुका सुमन लिम्बू घटनास्थलबाटै पक्राउ परेका छन् भने फरार रहेका अन्यको खोजी कार्य जारी रहेको ताप्लेजुङका प्रहरी प्रमुख तथा प्रहरी नायब उपरीक्षक रामबहादुर केसीले बताउनुभयो । उहाँका अनुसार प्रारम्भीक अनुसन्धानबाट घटनामा तीन÷चारजनाको संलग्नता रहेको भन्ने बुझिएको छ । मृतक तवेबुङ सदरमुकाम स्थित डिल्ली विकको घरमा डेरा गरी बस्दै आएका थिए ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)