काठमाडौं महानगरपालिकामा विद्यासुन्दर शाक्य र किशोर थापाको प्रतिस्पर्धा : कांग्रेस पछाडि
जेठ २, २०७४ मंगलबार १५:२०:०
काठमाडौं : काठमाडौं महानगरपालिकाको मेयर पदमा एमालेका मेयर उम्मेदवार विद्यासुन्दर शाक्य र साझा पार्टीका किशोर थापाबीच प्रतिस्पर्धा देखिएको छ।
नेपाली कांग्रेसका मेयर उम्मेदवार राजुराज जोशी तेस्रो नम्बरमा छन्। पछिल्लो मत गणना अनुसार विद्यासुन्दरले २ सय ९३ मत ल्याएका छन् भने किशोर थापाले १ सय ९३ मत ल्याउनु भएको छ। साझा पार्टीकी उपमेयर निरुपमा यादव १ सय ४२ मत ल्याउनु भएको छ।
एमाले र राप्रपाका उपमेयर उम्मेदवार राजाराम श्रेष्ठले २ सय ८ मत ल्याउनु भएको छ। नेपाली कांग्रेसका मेयर उम्मेदवार राजुराज जोशीले १ सय ७८ मत ल्याउनु भएको छ भने उपमेयर उम्मेदवार प्रभा खड्की श्रेष्ठले २ सय ४८ मत ल्याउनु भएको छ।
सँगै वैकल्पिक राजनीतिक शक्तिको रुपमा चुनावी मैदानमा रहेकी विवेकशील पार्टीकी मेयर उम्मेदवार रञ्जु दर्शनाले १ सय २६ मत ल्याउनु भएको छ। हजार १९ मत गणना हुँदा मेयरका १ सय ७ मत बदर भएका छन् भने उपमेयरका १ सय ४२ मत बदर भएको छ। हजार १९ मतपत्र गणना हुँदै पुरै मतपत्र भने १९ वटा बदर भएका छन्।
प्रतिक्रिया दिनुहोस !
