सिन्धुली : सिन्धुलीको हरिहरपुरगढी गाउँपालिकामा माओवादी केन्द्र विजयी भएको छ । माओवादी केन्द्रका कार्साङ लामा गाउँपालिका प्रमुख र अनिता राई उपप्रमुखमा विजयी हुनु भएको निर्वाचन अधिकृत महेन्द्रबहादुर थापाले जानकारी दिनु भयो ।
लामाले ३९३४ र राइले ३९१८ मत प्राप्त गरी विजयी हुनु भएको हो । उहाँहरुको प्रतिद्धन्द्धी नेकपा एमालेका मानबहादुर वाइवाले प्रमुखमा २९५४ र उपप्रमुखमा एमालेकै छिरिङ लामाले २९९० मत प्राप्त गर्नु भएको छ ।
८ वटा वडा रहेको उक्त गाउँपालिकाका ४ वटा वडा माओवादी केन्द्र ३ वटा नेकपा एमाले र १ वटा वडामा नेपाली कांग्रेसले जित हात पारेको छ ।
प्राप्त जानकारी अनुसार वडा नम्बर १ मा माओवादी केन्द्रका कारसाङ घलान, २ मा चन्द्रबहादुर राई, ३ मा पदमबहादुर स्याङ्तान, ४ मा एमालेका कमलकुमार राई, ५ मा झलककुमार माझी, ६ मा माओावदी केन्द्रका आइतसिं मोक्तान, ७ मा कांग्रेसका बालकृष्ण नेपाल र ८ मा एमालेका सार्कीमान तामाङ्ग विजयी हुनु भएको छ ।
प्रतिक्रिया दिनुहोस !
