कालीकोट : जिल्लाको नरहरिनाथ गाउँपालिकामा अध्यक्षका उम्मेदवार नेकपा ९एमाले०का धिरबहादुर विष्ट विजयी हुनुभएको छ । उहाँले दुई हजार ४६० मत ल्याई विजयी हुनुभएको छ भने उहाँका निकटतम प्रतिद्वन्द्वी नेपाली काँग्रेसका मीनबहादुर बोगटीले दुई हजार २३८ मत ल्याउनुभएको छ ।
त्यसैगरी, उपाध्यक्षमा नेकपा ९माओवादी केन्द्र० का उम्मेदवार मनशोभा बुढा विजयी हुनुभएको छ । उहाँले दुइ हजार २४९ मत ल्याई विजयी हुुनुभएको हो । उहाँको निकटतम प्रतिद्वन्द्वी नेकपा ९एमाले०का सुनिता बुढाले दुई हजार ३८ मत ल्याउनुभएको बताइएको छ । नरहरिनाथ गाउँपालिकामा चारवटा वडामा नेकपा (एमाले), तीनवटा वडामा नेकपा ९माओवादी केन्द्र० र दुईवटा वडामा नेपाली काँग्रेसले जित हासिल गरेको निर्वाचन अधिकृत प्रदीपराज अधिकारीले बताउनुभएको छ ।
कालीकोट जिल्लामा दुई नगरपालिका ९तिलागुफा र रास्कोट० सहित तीन गाउँपालिका ९पचालझरना, सान्नित्रिवेणी र पलांता०मा नेकपा ९माओवादी केन्द्र०ले जित हासिल गरेको छ भने खांडाचक्र नगरपालिकामा नेकपा ९एमाले०ले जित हासिल गरेको छ ।
महावै गाउँपालिकामा अध्यक्ष नेपाली काँग्रेस र उपाध्यक्षमा नेकपा (एमाले)ले विजय हात पारेको छ भने नरहरिनाथ गाउँपालिकामा अध्यक्ष नेकपा (एमाले) र उपाध्यक्षमा नेकपा माओवादी केन्द्रले जित हासिल गरेको छ । नरहरिनाथ गाउँपालिकाको नन्दादेवी मावि सेरापाटा मतदान केन्द्रमा पुनः भएको मतदानपछि नेकपा ९माओवादी केन्द्र०को प्यानलै विजयी भएको छ । रासस
प्रतिक्रिया दिनुहोस !
