काठमाडौं : गोमा एयरको कार्गो विमान सोलुखुम्बुको लुक्लामा दुर्घटना भएको छ । नाइन एन एके वाइ कल साइन नम्बरको विमान २ बजेर ५ मिनेट जाँदा लुक्लामा दुर्घटना भएको त्रिभुवन अन्तराष्ट्रिय विमानस्थलका प्रवक्ता प्रेमनाथ ठाकुरले जानकारी दिनुभयो ।
उहाँका अनुसार विमानमा रहेकी परिचारिकालाई काठमाडौं ल्याउने तयारी भएको भए पनि मौसमका कारण ल्याउन सकिएको छैन । ‘विमान लुक्ला विमानस्थलमा अवतरण गर्ने क्रममा दुर्घटना भएको हो’ उहाँले भन्नुभयो ।
नेपाल प्रहरीका प्रवक्ता सर्वेन्द्र खनालले पनि गोमा एयरको विमान लुक्लामा दुर्घटना भएको जानकारी पुष्टि गर्नु भएको छ ।
कार्गो विमानमा पाइलट पारसकुमार राई र को–पाइलट सिर्जन मानन्धर र एयर होस्टेस प्रज्ञा महर्जन सवार हुनुहुन्थो। उपचारको क्रममा पाइलट राईको लुक्ला अस्पतालमा निधन भएको छ। कार्गो विमान भएका कारण यात्रुहरु भने थिएनन्।
पाइलट राई र को–पाइलट मानन्धरको अवस्था गम्भीर छ भने एयर होस्टेस प्रज्ञा घाइते हुनुहुन्छ।
प्रतिक्रिया दिनुहोस !
