काठमाडौ:सत्ता गठबन्धनमा रहेका काँग्रेस र माओवादी, प्रमुख प्रतिपक्ष दल एमाले आन्दोलनकारी दल राष्ट्रिय जनता पार्टी (राजपा) आगामी निर्वाचनमा सहभागी गराउने उपायको खोजी गरिरहेका छन ।
राजपालाई निर्वाचनमा सहभागी गराउने उपायको खोजी स्वरुप बैठक भइरहेको हो । काँग्रेस,एमाले,माओवादी केन्द्र र राजपाका नेताहरु अहिले बालुवाटारमा छलफल गरिरहनु भएको छ ।
‘हामी बालुवाटारमा छौ,उहाँहरुसँग छलफल भइसकेपछि थाहा होला, उहाँहरुले हामीलाई पनि निर्वाचनमा सहभागी गराउने कुनै प्रस्ताव ल्याउनुहुन्छ की ?’ राजपाको अध्यक्ष मण्डलका सदस्य अनिल झाले अन्नपूर्णसँग भन्नुभयो ।
राजपाका नेताहरुले शनिवार बिहान काँग्रेस नेताहरुसँग छलफल गर्नु भएको थियो । मधेशकेन्द्रित ६ वटा दलका नेताहरु महन्थ ठाकुर,राजेन्द्र महतो,महेन्द्र राय यादव, अनिलकुमार झा, शरदसिंह भण्डारी र राजकिशोर यादव राजपाको अध्यक्ष मण्डलमा हुनुहुन्छ ।
निर्वाचन आयोगमा दर्ता नरहेको राजपालाई निर्वाचनमा सहभागी गराउन उपाय स्वरुप यसअघि पनि पटक पटक छलफल हुँदै आएको छ ।
प्रतिक्रिया दिनुहोस !
