काठमाडौं : प्रधानन्यायाधीश सुशीला कार्कीविरुद्ध व्यवस्थापिका संसदमा दर्ता भएको महाअभियोग प्रस्ताव औपचारिक रुपमा फिर्ता भएको छ ।
काँग्रेस र माओवादी केन्द्रका दुई सय ४९ जना सांसदको हस्ताक्षरसहित वैशाख १७ गते संसद सचिवालयमा महाअभियोग प्रस्ताव दर्ता भएको थियो।
काँग्रेस सांसद मीनबहादुर विश्वकर्मा प्रस्तावक र माओवादी केन्द्रका प्रमुख सचेतक टेकबहादुर बस्नेत समर्थक रहेको प्रधानन्यायाधीश सुशीला कार्कीविरुद्धको महाअभियोग प्रस्ताव उहाँहरुले नै सभामुख ओनसरी घर्तीलाई फिर्ता लिन लगाउनु भएको हो ।
विश्वकर्मा र बस्नेतले सभामुखलाई लेखेको पत्रमा भनिएको छ, ‘संविधान कार्यान्वयनको संवेदनशिल घडीमा संविधान बमोजिम स्थापित राज्यका अंगहरुले संविधानको उद्देश्य अनुरुप काम गर्नु पर्ने बृहत्तर आवश्यकतालाई ध्यानमा राख्दै संम्बैधानिक अंगहरुको वीचमा सौहार्दता,सकारात्मक सहयोग र समझदारीको अपेक्षा गर्दै सम्माननीय प्रधानन्यायधीश सुशीला कार्की विरुद्धको महाअभियोगको प्रस्ताव फिर्ता गरिएको छ ।
प्रतिक्रिया दिनुहोस !
