काठमाडौ : सरकारले पहिलो जननिर्वाचित प्रधानमन्त्री तथा काँग्रेसका संस्थापक नेता स्वर्गीय वीपी कोइरालालाई मरणोप्रान्त नेपाल रत्न विभुषणले सम्मान गर्ने निर्णय गरेको छ ।
यसअघि सरकारले नेकपा एमालेका स्वर्गीय नेता तथा पूर्व महासचिव मदन भण्डारीलाई मरणोप्रान्त नेपाल रत्न विभुषणले सम्मान गरेको थियो ।
यसैगरी स्वर्गीय महेन्द्र नारायण निधिलाई राष्ट्रिय गौरव मरणोपरान्त पदकले सम्मान गर्न निर्णय गरेको सरकारका प्रवक्ता एवं सूचना तथा सञ्चार मन्त्री सुरेन्द्र कुमार कार्कीले जानकारी दिनुभयो ।
गणतन्त्र दिवसमा सात सय ५९ जना बन्दी रिहा गर्ने निर्णय
सरकारले गणतन्त्र दिवसको अवसरमा सात सय ५९ जना कैदी बन्दी रिहा गर्ने निर्णय गरेको छ । प्रधानमन्त्री पुष्पकमल दाहाल ‘प्रचण्ड’को अध्यक्षतामा आइतवार सिंहदरबारमा बसेको बैठकले गणतन्त्र दिवसको अवसरमा केही कैदी बन्दीको बाँकी कैद अवधि मिनाहा गर्ने निर्णय पनि गरेको छ ।
प्रतिक्रिया दिनुहोस !
