काठमाडौं : राष्ट्रिय जनता पार्टी (राजपा) र राष्ट्रिय प्रजातन्त्र पार्टी (राप्रपा)ले प्रधानमन्त्रीमा देउवालाई समर्थन गर्ने संकेत गरेका छन् ।
शनिबार दिउँसो कांग्रेस संसदीय दलको कार्यालय सिहदरबारमा कांग्रेससँग भएको छलफलमा राजपा प्रधानमन्त्रीमा देउवालाई समर्थन गर्न सकिने जनाएको हो ।
उक्त बैठकमा राजपाका नेताहरुले देउवालाई अग्रिम बधाई दिँदै समर्थनका विषयमा औपचारिक निर्णय आइतबार विहान बस्ने बैठकबाट गर्ने जनाएका छन् ।
‘उहाँले सहयोग गर्न आग्रह गर्नुभयो, हामीले हाम्रा मुद्दामा सकरात्मक भए सहयोग गर्न सक्छौं भनेका छाै’ बैठकपछि राजपा नेता राजेन्द्र महतोले भन्नुभयो ।
यसैगरी राष्ट्रिय प्रजातन्त्र पार्टीले पनि देउवालाई समर्थन गर्ने संकेत गरेको छ । राप्रपाले आइतबार बिहान पार्टी बैठक बोलाएर औपचारिक निर्णय गर्ने प्रतिवद्धता जनाएको छ ।
प्रतिक्रिया दिनुहोस !
