काठमाडौं : व्यवस्थापिका संसदको ११ बजे का लागि बोलाइएको बैठक तीन बजेसम्म्का लागि स्थगित भएको छ । राजनीतिक दलहरुबीचमा सहमति खोज्नका लागि भन्दै सूचना टाँस गरी संसद बैठक स्थगित गरिएको हो ।सहमति खोज्नका लागि दुर्इ बजे समाभुखसहित शीर्ष नेताहरुको बैठक बस्न लागेको छ ।
संसदको बैठकबाट प्रधानमन्त्रीको निर्वाचन गर्ने कार्यक्रम संसद सचिवालयले बनाएको थियो । सचिवालयको सो कार्यक्रम पनि प्रभावित भएको छ । निर्वाचन आयोगले भरतपुर महानगरपालिकको वडा नम्बर १९ मा पुनः मतदान गर्ने निर्णय गरेपछि एमालेले संसद अवरोध गर्ने चेतावनी दिँदै आएको छ ।
एमालेले भरतपुर महानगरपालिका वडा नम्बर १९ को मतगणना गर्न सरकारलाई दवाव दिदै आएको छ । संसद अवरोध भएका कारण संसद सचिवालयले बनाएको प्रधानमन्त्री निर्वाचित गर्ने कार्यक्रमबारे एमालेले अनविज्ञता प्रकट गर्दै आएको छ ।
प्रतिक्रिया दिनुहोस !
