काठमाडौ : व्यवस्थापिका संसदको अवरोध हटाउन र प्रधानमन्त्री निर्वाचन प्रक्रिया अगाडि बढाउन सभामुख ओनसरी घर्तीले बोलाएको बैठक शुरु हुन सकेको छैन । सभामुख घर्तीले ११ बजेका लागि बानेश्वरस्थित संसद भवनमा बोलाएको बैठकमा कामचलाउ प्रधानमन्त्री पुष्पकमल दाहाल र वेटिङ प्रधानमन्त्री शेरबहादुर देउवा पुग्नु भएको छ । उहाँहरु एमाले अध्यक्ष केपी ओलीलाई पर्खिरहनु भएको छ । संसद सचिवालयका अनुसार ओली आइनपुगेका कारण बैठक शुरु हुन सकेको छैन ।
शिर्ष नेताहरुको बैठकमा सहमति जुटाएर ३ बजेसम्मका लागि बैठक सारिएको छ । बिहान ११ बजेको बैठकबाट नै देउवालाई प्रधानमन्त्री निर्वाचित गराउने प्रक्रिया अगाडि बढाउने कार्यक्रम सचिवालयले बनाएको थियो ।
प्रतिक्रिया दिनुहोस !
