काठमाडौ : व्यवस्थापिका संसदको अवरोध हटाउन र प्रधानमन्त्री निर्वाचन प्रक्रिया अगाडि बढाउन सभामुख ओनसरी घर्तीले बोलाएको बैठक शुरु संसद भवन बानेश्वरमा शुरु भएको छ
सभामुख घर्तीले ११ बजेका लागि बोलाएको बैठक एमालेले अवरोध गर्ने चेतावनी दिएपछि सूचना टाँसेर ३ बजेसम्मका लागि बैठक स्थगित गरिएको थियो ।
शिर्ष नेताहरुको बैठकका आधारमा ३ बजे संसदको बैठकबाट प्रधानमन्त्री निर्वाचनको प्रक्रिया अगाडि बढने वा नबढने टुंगो लाग्नेछ ।
शिर्ष नेताहरुको बैठकका लागि कामचलाउ प्रधानमन्त्री पुष्पकमल दाहाल र वेटिङ प्रधानमन्त्री शेरबहादुर देउवा पहिले नै पुग्नु भएको थियो ।
एमाले अध्यक्ष केपी ओली भने बैठकमा ढिलो पुग्नु भएको थियो । एमाले नेताहरु पुगेपछि बैठक शुरु भएको हो । तीन वटै दलका शिर्ष नेताहरु बैठकमा सहभागी हुनुहुन्छ ।
बैठकमा काँग्रेस र माओवादीका नेताहरुले निर्वाचन आयोगको निर्णय अनुसार भरतपुर महानगरपालिकामा पुन मतदान गर्नु पर्ने पक्षमा आफना धारणा राखेका छन् भने एमालेका नेताहरुले भरतपुर महानगरपालिकामा तत्काल मतगणना थाल्नु तर्क राखेका छन् ।
प्रतिक्रिया दिनुहोस !
