संसद बैठक पर्सीसम्म स्थगित : प्रधानमन्त्री चयन प्रक्रिया अन्योलमा

काठमाडौं : व्यवस्थापिका संसदको बैठक दिन दिनका लागि स्थगित भएको छ । व्यवस्थापिका संसदको सचिवालयले आइतबार दिउँसो ३ बजे सूचना टाँसेर मंगलबार दिउँसो १ बजेसम्मका लागि स्थगित भएको हो ।

राजनीतिक दलहरुबीच सहमति हुन नसकेपछि संसद् बैठक स्थगित भएको हो । यसअघि आइतबार नै ११ बजेका लागि बोलाइएको बैठक तीनबजेसम्म स्थगित भएको थियो ।

सहमति खोज्न सभामुख ओनसरी घर्तीमगरसहितका शीर्ष नेताको बैठक निष्कर्षबिहिन भएपछि संसद पर्सीसम्म स्थगित भएको हो ।

संसद् बैठक पटकपटक स्थगित भएपछि आइतबार हुने भनिएको प्रधानमन्त्री निर्वाचन अन्योलमा परेको छ । प्रमुख प्रतिपक्षी दल एमालेले लगातार संसद् अवरोध गरेपछि प्रधानमन्त्री चयन प्रक्रिया अन्योलनमा परेको हो ।