काठमाडौं : मन्त्री छनोटका लागि सत्तागठबन्धनका राजनीतिक दलहरु आन्तरिक छलफलमा व्यस्त भएका छन् । प्रधानमन्त्री शेरबहादुर देउवाको आज हुने सपथसँगै केही मन्त्रीको पनि सपथका लागि दलहरु छुट्टाछुट्टै छलफलमा व्यस्त भएका हुन् । मन्त्री छनोट गर्नका लागि नेपाली कांग्रेस र नेकपा माओवादी केन्द्र आन्तरिक गृहकार्यमा जुटेका हुन् । त्यस्तै केही साना दल पनि सरकारमा जान गृहकार्यस्वरुप छलफलमा व्यस्त छन् ।
प्रधानमन्त्री शेरबहादुर देउवासँगै नेपाली कांग्रेसले गोपालमान श्रेष्ठ र ज्ञानेन्द्र कार्कीलाई मन्त्रीको रुपमा सपथ खुवाउने भएको छ । श्रेष्ठ र कार्कीको नाम अन्तिम टुंगो लागेपनि मन्त्रालय भने अझै टुंगिएको छैन । संभव भएसम्म कांग्रेसले आजै अन्य दुई मन्त्री पनि टुंग्याउने छ । श्रेष्ठ र कार्की देउवानिकट मानिनुहुन्छ । देउवाले अन्य मन्त्रीका लागि नेता रामचन्द्र पौडेलसँग छलफल जारी राख्नुभएको छ । महेश आचार्य, फरमुल्लाह मन्सुरको मन्त्री बन्ने बढी चर्चा छ।
मन्त्री छनोट गर्नका लागि माओवादी केन्द्र बालुवाटारमा बैठक बसिरहेको छ । उक्त बैठकले आज हुने देउवाको सपथसँगै दुईजना मन्त्री तय गर्ने छ । माओवादीले उपप्रधानमन्त्रीसहित पहिलो दुई मन्त्री पठाउने भएको छ । देउवा सरकारमा माओवादीले ८ वटा मन्त्रालय सम्हाल्ने छ ।
देउवा प्रधानमन्त्री भएसँगै माओवादीले गृहमन्त्री सम्हाल्ने छ भने कांग्रेसले अर्थमन्त्री लिने सहमति भएको छ ।
प्रतिक्रिया दिनुहोस !
