इरानमा पक्राउ परे आईएसका दर्जनौं जासुस
तेहरान : इरानको राजधानी तेहरानमा हालै भएको आक्रमणमा संलग्न भएको अभियोगमा इस्लामिक स्टेट (आइएस)का दर्जनौ जासुसलाई इरानी प्रहरीले पक्राउ गरेको छ ।
गत बुधबार तेहरानमा भएको आक्रमणमा परी १७ जनाको मृत्यु भएको थियो भने आक्रमणको जिम्मेवारी जिहादी समूहले लिएको थियो । गृह मन्त्रालयले ४१ जना शंकास्पद व्यक्तिलाई इरान र टर्कीको सीमानामा पर्ने पश्चिम अजरबैजान, कुर्दिस्तान र केरमान्शाहबाट पक्राउ गरिएको जनाएको छ ।
शंकास्पद ती व्यक्तिहरु आर्इएस समूहसँग आवद्धता रहेका इरानी विद्रोही 'एजेण्ट अफ डाईस' रहेको प्रहरीले दावी गरेको छ ।
गृह मन्त्रालयद्धारा जारी विज्ञप्तीमा आतंकवादी गतिविधिका लागि उनीहरुले प्रयोग गर्ने कागजपत्र र सरसामानसमेत नियन्त्रणमा लिएको जनाइएको छ । रासस/एएफपी
प्रतिक्रिया दिनुहोस !
